MANISPAA MOROGORO YAIBUKA KINARA WA LISHE MKOA WA MOROGORO

Posted on: February 5th, 2021

Halmashauri ya Manispaa ya Morogoro  Februari 03/2020 , imeibuka kuwa kinara wa lishe katika Mkoa wa Morogoro ikifuatiwa na Halmashauri ya Mvomero na Kilosa.

Akizungumza mara baada ya kupokea ushindi huo wa cheti cha shukrani kutoka kwa Mkuu wa Mkoa wa Morogoro, Afisa Lishe Manispaa ya Morogoro Elina Kweka,amesema ushindi huo umeifanya Manispaa  kuanza kuongeza kasi zaidi ya kupambana na changamoto za lishe duni kwa watoto.

Kweka, amesema kuwa,watahakikisha kwamba wanaongeza uelewa na matokeo chanya kwa jamii ili kukabiliana na changamoto za afya na lishe zinazowakabili watoto.

“Tumepokea cheti cha shukrani cha kuwa kinara wa lishe kimkoa, lakini ushindi huu umechangiwa na watu wengi , kwanza kabisa nimpongeze Mkurugenzi wa Manispaa ya Morogoro kwa kutenga fedha ambazo zimekuwa zikisaidia katika lishe, Baraza la Madiwani la Manispaa , Mganga Mkuu wa Manispaa , Afisa Maendeleo ya Jamii Manispaa, wadau wa lishe, pamoja na watoa huduma ngazi ya jamii na ngazi ya vituo vya kutolea huduma, kwakweli wamefanya kazi kubwa sana ya kuhakikisha Manispaa ya Morogoro inatokomeza watoto wenye udumavu, ombi langu endeleeni kupambana ikiwa ni pamoja na kutoa elimu mara kwa mara ili huduma hii iweze kutekelezeka vizuri katika Jamii”Amesema Kweka.